Массачусетс жалпы ауруханасының зерттеушілері халықаралық дерматологиялық қоғамдар лигасымен және американдық Дерматология академиясымен бірлесе отырып COVID-19-ға тән емес жаңа симптомдарды анықтады. Бұл туралы ҚР Үкіметі жанындағы Қазақстанда коронавирустың таралуына жол бермеу жөніндегі ВАК телеграм каналы хабарлады.
COVID-19 жұқтырған 12 мың адамның аяғындағы үсік шалу белгілерін еске түсіретін қатты тітіркену мен қызару пайда болған. Дерматологтар бұл құбылысты «Ковидті саусақтар» деп атады.
Науқастардың айтуынша қолдары мен аяқтарының саусақтарында пайда болған қызыл және күлгін түйнектер аздап ауырғанымен, қышымайды екен. Бөртпе жазылғаннан кейін терінің үстіңгі қабаты қабыршақтанып түсіп қалады.
Дәрігерлер терінің мұндай қабынуы мен коронавирустың арасындағы байланысты «Ковидті саусақтары» бар балалардың терісінің биопсиясы арқылы анықтаған.
Мұндай белгілер, әдетте, COVID-19 жұқтырғаннан кейін орта есеппен бір-екі апта бойы сақталады, бірақ кейбір науқастарда олар ұзақ уақыт, яғни 130 күнге дейін сақталады.
Зерттеушілер жаңа деректердің дәрігерлерге COVID-19 жұқтырған, алайда індеттің айқын белгілері байқалмаған науқастарды анықтауда өз септігін тигізеріне сенімді.
727 рет оқылды
