Фото: kasipodaq.kz
Бүгін Бурабайда Ұлттық Құрылтайдың IV-ші отырысы өтіп жатыр. Құрылтай отырысына Президент Қасым-Жомарт Тоқаев қатысып, баяндама жасап жатыр. Баяндама туралы пікір білдірген Мәжіліс депутаты Ерлан Саиров Президент еліміздің көптеген саяси, рухани мәселелеріне көңіл аударғанын айтады, деп хабарлайды Ult.kz.
Құрылтай жұмысының өзі Қазақстандағы саяси реформалар нәтижесі екенін айтқан депутат, мемлекет басшысы салық реформасының логикасына тоқталғанын тілге тиек етті.
"Қазақстанның Мемлекеттік бюджетінің жартысына жуығы әлеуметтік мәселелерді шешуге бағытталған. Мемлекет әлеуметтік мәселелерді шешуді ары қарай жалғастыра береді. Елімізде заңды тұлғалардың льготалары өте көп. Осы жеңілдіктерді азайту қажет", -деген ол әлеуметтік желідегі әдептілік мәселесінің өзектілігіне тоқталды.
Ерлан Саировтың пікірінше діни теріс ағымдардың жастардың сана-сезіміне теріс әсеріне тиым салу қажет. Сондай-ақ кино саласындағы проблемаларға да назар аудару маңызды.
"Жақында "Шоқан Қашқарияға сапары" мультфильмі шықты. Өте қажет өнім! Осындай туындылар көп болуы тиіс. Қазақстанның солтүстігіндегі халқымыздың санының азайып бара жатқандығы жасырын емес. Бұл мәселені шешу ұлттық қауіпсіздік мәселесі. "Қазақстан Балалары" атты кешенді бағдарлама қажет. Балаларымызды ұлттық дәстүр негізінде тәрбиелеу керек", -деді ол.
"Геосаяси жағдай күрделеніп келеді" дегенді де айтып өткен Саиров отаншыл, патриот балаларды тірбиелеу керек екенін айтып отыр.
"Қазақстанның идеология мәселесі де өте өзекті. Мемлекеттік құндылықтарды терең қалыптастыру қажет. Өңірлерде театрларды салып, дамытуға баса назар аудару керек. Биыл Қазақстанның астанасының Қызылордаға көшуіне бір ғасыр болды. Сонымен қатар ұлтымыздың "қазақ" атауының ресми қайтуына да бір ғасыр болды. Келесі Құрылтайдың отырысы ҚЫЗЫЛОРДАДА өткізуге шешім қабылданды. Қазақстанда Бизнесті дамыту үшін 8-трлн теңге бөлінеді. Бұл қадам кіші және орта бизнесті дамытуға аса жоғары серпін береді! Катон-Қарағай, Зайсан, Кендірліде аэропорт салынады. Арқалық қаласында аэропорт салынады. ПРЕЗИДЕНТ ҚАСЫМ-ЖОМАРТ ТОҚАЕВ АMANAT" партиясы Фракциясы "ШЕКАРАЛЫҚ АУДАНДАРДЫ ДАМЫТУ" жөнінде жаңа заң қабылдау жөнінде ұсыныс жасады, Үкімет аталған мәселені шұғыл шешуі керек деп тапсырма берді! Бұл шешім шекаралық аудандарды дамытуға жоғары серпін беретіні анық!" -деді Ерлан Саиров.
1019 рет оқылды
