Жексенбіде елордада Nur-Sultan Half Marathon бірінші жартылай марафоны өтті. Жүгіру EXPO аумағынан басталды, онда Қазақстаннан және әлемнің 24 елінен келген 4 мың әуесқой және кәсіпқой спортшы Нұр-Сұлтанның ең әдемі жерлерімен жүгірді, деп хабарлайды "Ұлт ақпарат" қала әкімдігінің ресми сайтына сілтеме жасап.
Марафон қорытындысы бойынша ерлер арасында 21 км-де Ринас Ахмадеев жеңімпаз атанды. Оның финишке жету уақыты - 1 сағат 2 минут 54 секунд. Бұл - Nur-Sultan Half Marathon трассасының 21,1 км-дегі жаңа абсолютті рекорды.
Көшбасшылар абсолюттік есепте 21 шақырымға ақшалай жүлде қорын өзара бөлісті: бірінші орын - 450 мың теңгеден, екінші орын - 400 мың теңгеден, Үшінші орын - 350 мың теңгеден. Жас санаттары бойынша жеңімпаздар (10 км және 21,1 км) серіктестерден сыйлықтар алды.
Өз күшін сынау үшін Алматыдан келген жарыстың финалистерінің бірі Руслан Оглов жартылай марафонды ұйымдастыру және трассадан алған әсерлерімен бөлісті.
"Жүгірумен көптен бері айналысып келемін. Бұл трассаны таңдаған себебім - ол Алматымен салыстырғанда өте жеңіл, биіктігі өте төмен, рекордтар үшін дәл келетін жол. Бүгін мен 10 км қашықтықта жеке рекорд орнаттым, алдыңғы жеке рекордымды осыдан он жыл бұрын, Қазақстан чемпионы болған кезде орнатқан ем. Қазір мен әуесқоймын және жұмысты жаттығулармен үйлестіремін, бұл өте қиын. Бұдан да жақсы нәтиже көрсетуіме болар еді, бірақ ұйқымның қанбауы және толқығаным кедергі келтірді, - деп өз ойымен бөлісті спортшы.
Ол сондай-ақ осындай спорт мерекесі үшін марафон ұйымдастырушыларына алғыс айтты.
Айта кету керек, бүгін жарысқа Қазақстаннан және әлемнің 24 елінен 4 мыңнан астам адам шықты.
Мәреге жеткеннен кейін барлық қатысушыларды сахнада музыкалық топтардың орындауымен жеңімпаздарды марапаттау, сондай-ақ жартылай марафон серіктестерінің ұтыс ойындары мен үлкен ойын-сауық бағдарламасы күтіп тұрды.
Марафон алғаш рет Qazsport телеарнасының тікелей эфирінде көрсетілді.
Сондай-ақ, барлық қатысушыны ҚР Мәдениет және спорт вице-министрі Серік Жарасбаев пен Нұр-Сұлтан қаласы әкімінің орынбасары Ерлан Бекмурзаев қарсы алды. Спорттық шара барысында Ұлттық ғылыми кардиохирургиялық "Жүрек орталығының" директоры Татьяна Иванова-Разумова мен жарыс директоры Салтанат Қазыбаева сөз сөйледі.
Естеріңізге сала кетейік, іс-шарада қауіпсіздік жедел медициналық жәрдем көліктері, Қызыл Жарты Ай қоғамының еріктілері, веломедиктер, ТЖД және полиция көліктері жүрді. Старттағы, сондай-ақ тас жолдағы тазалықты қалалық қызметтер қамтамасыз етті.
Жартылай марафонды ұйымдастырушылар - "Бірінші болу-батылдық" корпоративтік қоры, "WorldClassAlmaty" фитнес-клубы, Академик Ш.Есенов атындағы ғылыми-білім беру қоры және #Другой ты мультиспорттық Youtube-арнасы. Іс-шара елорда әкімдігінің қолдауымен өтті.
1123 рет оқылды
