Фото:baq.kz
Әйелдер арасында кәсіпкерлікті қолдау мақсатында гранттар мен жеңілдіктер ұсынылып, бизнес бастауға қажетті тренингтер, қаржылық және маркетингтік білім беруге бағытталған бағдарламалар жүзеге асырылуда.
«Қаржылық қолдау бағдарламалары». «Даму» кәсіпкерлікті дамыту қоры әйелдерге арналған қаржылық қолдау бағдарламаларын ұсынады. Яғни, бизнесін ашу немесе дамыту үшін төмен мөлшерлемемен несие береді.
«Әйелдер кәсіпкерлігін қолдау бағдарламасы». Еуропалық қайта құру және даму банкі (ЕҚДБ) әйелдер кәсіпкерлігін қолдауға бағытталған арнайы бағдарламаларды жүзеге асырады. Бағдарлама аясында әйелдерге арналған қаржылық және техникалық қолдау көрсетіледі, оның ішінде оқыту, бизнес-жоспар құру, маркетинг стратегиялары бойынша кеңес беру.
“Бизнестегі әйелдер” бағдарламасы. “Атамекен” ұлттық кәсіпкерлер палатасы арқылы жүзеге асырылатын бұл бағдарлама әйелдерге бизнес ашу және дамыту жолында көмек көрсетеді. Бағдарлама аясында әйелдерге арналған арнайы гранттар, несие беру жүйесі және оқыту курстары қарастырылған.
Бағдарламаның басты мақсаты – әйелдер арасындағы кәсіпкерлік қызметті дамыту және гендерлік теңдікке қол жеткізу.
“Қыздар мен әйелдерге арналған STEM бағдарламалары”. Бұл бағдарламалар технология, инженерия, математика және ғылым саласындағы қыздар мен әйелдердің білімін арттыруға және стартап жобаларын қолдауға бағытталған.
Технологиялық білім беру орталықтары әйелдерге цифрлық дағдыларды дамытуға көмектеседі.
“Бастау Бизнес”. “Атамекен” ҰКП-ның тағы бір бағдарламасы – “Бастау Бизнес”, ауылдық жерлерде кәсіпкерлікпен айналысқысы келетін әйелдерге де арналған. Бағдарлама кәсіпкерлік негіздерін үйретеді және бизнес-жоспарлар құруға көмектеседі. Сонымен қатар, бағдарлама аясында гранттар мен несие алу мүмкіндігі беріледі.
2022 жылғы мәлімет бойынша, ел кәсіпкерлерінің 43 пайызы әйелдер.
46 рет оқылды
_140_110.jpg)
