10 там, 2016 сағат 14:25

ЭКСПО құрылысына Зейнетақы қорынан қаржы бөлінбейді

- Зейнетақы қоры есебінен ЭКСПО құрылысына қаражат бөлінбейді. Бұл туралы бүгін Үкімет отырысынан кейін тілшілермен болған баспасөз мәслиxатында ҚР Ұлттық экономика министрінің бірінші орынбасары Марат Құсайынов мәлім етті.

«ЭКСПО нысандарының құрылысына БЖЗҚ есебінен қаражат бөлу көзделіп отырған жоқ», - деді ол тілшінің сұрағына берген жауабында.

Оның сөзі бойынша, экспортқа дейінгі және экспорттық қаржыландыруды қолдау үшін Ұлттық қордан 15 млрд. теңге қарастырылған. Қосымша Бірыңғай жинақтаушы зейнетақы қорынан 30 млрд теңге көлеміндегі қаражаты экспортты қолдау жобаларына бөлу қарастырылуда.