Димаш Құдайберген кеше Қытайдың Тиянжин қаласындағы «SOS» балалар үйінің тәрбиеленушілеріне көмек жасады, деп хабарлайды ҚазАқпарат.
hazharas.com сайтының мәліметінше, Димаш тағдырдың тауқыметін тартқан жетім балаларға қағаз-қалам, көрпе-жастық секілді әр түрлі тұрмыстық бұйымдар тарту еткен.
«Осындай жетім балаларға көмек қолын созу - қоғамның борышы, бұдан кейін де жеткіншектердің уайым-қайғысыз өсіп жетілуі үшін өз көмегімді көрсетіп отырамын», - дейді Димаш Құдайберген.
Балалар үйінің басшылығы Димаштың кеңпейілділігіне ризашылығын білдіріп, арнайы алғыс хат тапсырған.
Айта кетейік, Тиянжиндегі бұл балалар үйі - «SOS» халықаралық балалар үйінің Қытайдағы ең үлкен бөлімшесі. Онда 132 жетім бала тұрады.
7998 рет оқылды
