#
#
Бейсенбі 06/08/2020

Денсаулық сақтау министрлігі жедел жәрдем қызметкерлеріне түсіністікпен қарауға шақырды

  • 03.07.2020
  • 0
  • 279

ҚР денсаулық сақтау вице-министрі Ажар Ғиният жедел жәрдем қызметкерлері шақырту түскен жағдайда жағымсыз жағдайлармен жиі кездесіп жатқанын мәлім етті, деп хабарлайды ҚазАқпарат.

«Жедел жәрдем қызметінің медицина қызметкерлері шақыртулар кезінде жағымсыз эмоциялық жағдайлармен көп кездеседі. Олар өте жоғары физикалық және психикалық жағдайда жұмыс істеп жатыр. Шақыртулар бойынша қызмет көрсету деңгейі бірінші кезекте пациенттердің жағдайының ауырлығына байланысты анықталады. Сондықтан медициналық қызметкерлерге ренжімей, өз кезектеріңізді күткендеріңіз дұрыс», - деді ол ОКҚ-да өткен баспасөз мәслихатында.

Ажар Ғинияттың айтуынша, тестілеуді жүргізу төңірегіндегі даулы жағдай ПТР-тест тапшылығына байланысты емес. Осы уақытқа дейін Қазақстанда 1,5 млн тест жүргізілген.

«Одан бөлек қосымша 1,2 млн тест сатылып алынуда. Азаматтардың көпшілігі бір мезгілде жүгінген жағдайда ПТР-анализаторлары бар 56 зертхананың өткізу қабілеті жеткіліксіз болып отыр. Осыған байланысты кезек қалыптасып қалады. Осы жылы тамыз айының соңына дейін 20 ПТР-анализатор сатылып алынып, зертханалар саны көбейеді. Тестілеу дәрігерлердің кеңесі бойынша өткізілуі тиіс», - деді ол.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар