Мексикалық боксшы Сауль Альварестің (52-1-2, 35 КО) промоутері Оскар де ла Хойя қазақстандық Геннадий Головкинмен (39-1-1, 35 КО) үшінші жекпе-жек қашан өтетінін айтты, деп хабарлайды Sports.kz.
"Головкин келесі жылы біздің қарсыластарымыздың бірі болады. Ол солай болуы керек! Адамдар оны көргісі келетіні анық. Әлем бұл жекпе-жекті қалайды және Головкин де бұған лайық", - деді Де ла Хойя.
Үшінші жекпе-жекке букмекерлік кеңселердің бірі мынадай коэффициент ұсынып отыр: Альварестің жеңісі — 1.7, Головкиннің жеңісі — 2.15, тең нәтиже — 25.
Еске сала кетейік, алғашқы жекпе-жек тең нәтижемен аяқталды, екіншісінде төрешілердің шешімімен "Канело" жеңіске жетті.
1200 рет оқылды
_80_80.jpg)
