Қазақстандық Данияр Шамшаев Нұр-Сұлтанда дзюдодан Азия чемпионы атанды, деп хабарлайды "Ұлт ақпарат".
Ол 73 келіге дейінгі салмақта сынға түсіп, алтын медаль жеңіп алды.
Финалда Данияр Шамшаев өзбекстандық Муроджон Юлдошевпен кездескен еді.
Шешуші жекпе-жек тез аяқталды. Шамшаев тиімді қабылдау өткізіп, "иппон" алды, бұл оған мерзімінен бұрын жеңіске жетуіне септігін тигізді.
Айта кетейік, финалға дейін Шамшаев тағы үш жекпе-жекті мерзімінен бұрын жеңді: Нингтоужам Суреш Сингх пен Бехрузи Хожазодуға қарсы 42 секунд өткізсе, қырғызстандық Шыңғысхан Сағыналиевқа қарсы кездесу 31 секундқа созылған.
1615 рет оқылды
