Кеше қазақстандық кәсіпқой боксшы Данияр Елеусінов жартылай орта салмақтағы төртінші жеңісіне қол жеткізді. Ол қарсыласын нокаутпен жеңгеннен кейін әлемдік рейтингтегі орнын жақсартты, деп хабарлайды "Ұлт ақпарат".
Еске сала кетейік, Бостондағы (АҚШ) TD Garden аренасында өткен бокс кешінде жергілікті Мэтт Доэртимен айқасқан Елеусінов бірінші раундта-ақ қарсыласын техникалық нокаутпен жеңген болатын.
Бұл жеңіс боксшының BoxRec.com сайтының рейтингінде біршама жоғарылауына жағдай жасады. 27 жастағы Олимпиада чемпионы бірден 39 саты көтеріліп, 224-орынға шықты.
Еске сала кетсек, Данияр Елеусіновтың келесі жекпе-жегі 24 қарашада Монакода өтеді. Қазақстандықтың кіммен жұдырықтасатыны әзірге белгісіз.
2379 рет оқылды
