_48_48.jpg)
Фото:kfb.kz
Бокстан Олимпиада чемпионы Данияр Елеусінов 28 ақпанда Астанада өтетін жекпе-жек туралы айтып, болашақ қарсыласының атын әлі білмейтінін мәлімдеді, деп хабарлайды Ult.kz Sportnews.kz-ке сілтеме жасап.
"Қарсыласым әзірге белгісіз. Бірнеше боксшы бас тартты. Мүмкін олар жекпе-жек үшін Қазақстанға келгісі келмейтін шығар. Негізінде, бұл жекпе-жек тартысқа толы және халық үшін қызық болар еді, бірақ олар бас тартты. Енді кім келісетінін күтеміз. Биыл үш жекпе-жек өткізгім келеді", - деді Елеусінов.
Айта кетейік, Данияр Елеусінов рингке 28 Ақпанда оралады, - делінген all STARS Boxing промоутерлік компаниясының мәлімдемесінде. Елеусінов өзінің алдыңғы жекпе-жегін өткен жылы 28 қыркүйекте Алматыда өткізді. Содан кейін қазақстандық боксшы бесінші раундта филиппиндік Джой Нойнды (23-5-2, 11 КО) мерзімінен бұрын жеңді.
511 рет оқылды
