Қазақстандық жас әнші Данэлия Төлешова The Real америкалық шоуына қатысып, жүргізушілерді талантымен таңғалдырды, деп хабарлайды ҚазАқпарат тілшісі.
Бұл туралы әнші өзінің Instagram-дағы парақшасында видео жариялады.
Жүргізушілердің бірі Калифорнияда оған не ұнағанын сұраған. Қазақстандық қыз Американың дәріханалары ұнағанын айтты.
«Америкадан соңғы рет кетіп бара жатқанымда олардың дүкендері мен дәріханалары есімнен кетпей қойды. Оларда өмірге керектінің бәрі бар. Маған Elmer's Glue желімдері ұнады. Мен онымен слайм жасағанды ұнатамын», - деді Данэлия.
Тележүргізушілер оның сүйкімді екендігін, америкалық дәріханаларды енді бағалайтындарын айтты.
Олар жас әншіден талантының барын қашан байқағанын сұрады.
«Мен Украина дауысын жеңіп алған кезде жасым 10-да болатын. Оған дейін гимнастикамен айналыстым, жарақат алған соң ән айтуды қолға алдым», - деді ол.
Жас әнші сахнада байқау қазылары Тhe World's Вest Фэйс Хилл, Дрю Бэрримор, Ру Пол мен Джеймс Корденді көргеніне қуанып тұрғанын айтты.
Данэлияның әнін естігенде Дрю Берримор көзіне жас алды.
1842 рет оқылды
