24 қыр, 2020 сағат 06:26

Данэлия Төлешова America's Got Talent байқауында жеңіске жете алмады

Посмотреть эту публикацию в Instagram

Публикация от America's Got Talent - AGT (@agt) 23 Сен 2020 в 11:00 PDT

Данэлия Төлешова америкалық America's Got Talent шоуында жеңіліп қалды, деп хабарлайды "Ұлт ақпарат".

Биылғы America's Got Talent байқауында 1-орынды Брендан Лик атты қатысушы жеңіп алды. Ол 1 млн доллар жүлденің иесі атанды.

Дауыс беру нәтижесі конкурстың Instagram желісіндегі ресми парақшасында жарияланды.

Данэлия Төлешова Америкада бір тәулікке созылған дауыс беру нәтижесі бойынша үздіктер қатарына енді.

Еске сала кетейік, Данэлия Төлешова шілде айының соңында америкалық America’s Got Talent жобасының үшінші турына өткен болатын. Әлемге танымал байқау пандемияға байланысты онлайн форматта ұйымдастырылды.

Кейін ол America's Got Talent таланттар шоуының финалына өтті.

Кеше 14 жасар қазақстандық жас дарын байқаудың финалында өнер көрсетіп, Sia атты танымал әншінің «Alive» әнін шырқады.

Жалпы, байқаудың соңғы шешуші кезеңінде 10 әнші бақ сынаған, оның ішінде алтауы - әртүрлі жастағы вокалистер.