Бүгін, яғни 29 мамыр күні сағат 18.00-де «Хабар» телеарнасының тікелей эфирінде президенттікке үміткерлер арасында теледебат өтеді.
ҚР Орталық сайлау комиссиясының бекітілген регламентіне сәйкес теледебаттар мен пікірталастар 3 кезеңге бөлінген.
Бірінші кезеңнің тақырыбы – «Қазақстанның экономикалық дамуының басымдықтары». Алғашқы кезең екі турды қамтиды. Бірінші турда әрбір қатысушы өзінің сайлау алдындағы бағдарламасын таныстырып, сөз сөйлейді. Екінші турда қатысушылардың өздерінің оппоненттеріне сұрақ-жауап түріндегі пікірсайыс сессиясы қарастырылған. Қатысушылар екі сұрақтан қойып, екі сұраққа жауап бере алады.
Екінші кезеңнің тақырыбы – «Қазақстанның әлеуметтік жаңғыруы». Екінші кезеңнің бірінші турында қатысушылар берілген тақырып бойынша сөз сөйлейді. Екінші турда жүргізушілер барлық қатысушыларға бір сұрақ қояды.
Үшінші кезеңнің тақырыбы – «Сайлаушыларға сөз арнау». Үшінші және қорытынды кезеңде қатысушылар тікелей сайлаушыларға арнап сөз сөйлейді. Түсірілім «Қазмедиа орталығы» медиакешенінде ұйымдастырылады. Жүргізушілер: Ерлан Игісінов пен Қымбат Досжан.
1702 рет оқылды
_80_80.jpg)
