"Біздің кәсіпорындағы ең басты талап - шахтерлердің қауіпсіздігі": Qarmet басшылығы журналистермен кездесті

Фото:Qarmet
2023 жылдың 8 желтоқсанында Қарағанды металлургиялық комбинаты ұлттық инвесторға кешенді жаңғырту шарттарымен сатылды. Бүгінде Қазақстандағы ең ірі кәсіпорындардың бірі Qarmet-те  жалпы қызметкерлер саны – 35 мыңнан астам адам, оның ішінде Теміртау металлургиялық комбинатында 14 мыңнан астам қызметкер, Көмір департаменті мен еншілес кәсіпорындарда 15 мыңнан астам адам жұмыс істейді.

«Жұмысшылардың жағдайын жақсарту бойынша көптеген шаралар атқарылып жатыр» деп отыр, Qarmet компаниясының персонал және әлеуметтік мәселелер жөніндегі директоры Елена Землянская Qarmet-те өткен баспасөз отырысында  ULT.KZ тілшісінің сұрағына жауап беру кезінде.

«Біз гигиена бойынша жұмыстарымызды жалғастырып жатырмыз. Ол жаңа инвестор келгенге дейін басталған жұмыс еді. Біз ол жұмысты биыл нақты және кешенді жүргізіп жатырмыз. Жыл соңына дейін душ, әжетхана және басқа да 28 пунктті, сонымен бірге, келесі жылы 184 пунктті жетілдіру жоспарланған. Егер қателеспесем, 7 млрд. теңгенің 3 млрд-қа жуығы осы бағдарламаны іске асыруға бөлініп отыр. Ұжымдарда қандай да бір мәселе туындайтын болса, кәсіподақтармен нақты жұмыс атқару арқылы шешіледі. Биылғы жылы кәсіпорынның психологиялық-әлеуметтік климатын жақсарту мақсатында ұжымдармен жұмыс істейтін психолог қызметін іске қостық», -дейді Елена Землянская.

Кәсіпорынның Еңбек қауіпсіздігі және еңбекті қорғау жөніндегі директоры Бауыржан Әлжанов қазір мекемеде шахтерлердің қауіпсіздігі баса назарда екенін жеткізді.

«Өткен жылы желтоқсан айында біздің жаңа инвестор «ең басты талап ол – қауіпсіздік» деп атады. Сондықтан біз қауіпсіздік болынша өтетін жобаларды енгізіп жатырмыз. Жаңа ғана Вадим Борисович басшымыз айтып өткендей, позициялау жүйесін енгізіп жатрмыз.  2025 жылдың аяғына дейін бүкіл көмір депортаментінің шахталары осы жүйеге енгізіледі. Ол қазіргі уақытта жұмыс істеп жатқан әр шахтердың уақытына сай кім қайда жұмыс істейтінін біліп отырамыз. Әр бір жұмысшы мекемеге кірген кезде міндетті түрде медициналық тексеруден өтеді. Біз бұған өте қатты мән беремсіз. Біз осылайша жұмысшыларымызға қауіпсіздік мәдениетін енгіземіз. Сондай-ақ, бұрғылау жұмыстары кезінде пластиналардың арасында метан газы туындаған кезде бұрғылап, сол газдарды тартып, қауіп-қатердің алдын аламыз», -дейді Бауыржан Әлжанов.

Фото:Qarmet. Зәуре Заурбекова

«Олардың ішінде $552 миллионға кокстық батареялар салу, $239 миллионға мырыштау және бояу желісін салу, $300 миллионға аглодомен өндірісін реконструкциялау, $150 миллионға ыстықтай илемдеу цехын жаңарту және тағы басқа жобалар бар. Көмір департаментіне $500 миллион, ал темір рудасы департаментіне $978 миллион инвестиция қарастырылған», -дейді Зәуре Заурбекова.

Фото:Qarmet. Вадим Басин

"Qarmet"АҚ Бас директоры  Вадим Басинның сөзінше, 2024 жылдың 9 айында болат өндіру 14%-ға артып, 2,6 миллион тоннаға жетті (2023 жылдың осы кезеңінде 2,3 миллион тонна болған).

«Көмір өндіру 2%-ға өсіп, 4,7 миллион тоннаға жетті (өткен жылдың осы кезеңінде 4,6 миллион тонна болған), концентрат өндірісі 17%-ға өсіп, 2,3 миллион тоннаны құрады (2023 жылдың осы кезеңінде 1,9 миллион тонна болған)», деп отыр Вадим Басин.

Сондай-ақ, "Qarmet"АҚ Бас директоры  2024 жылдың мамыр айында Qarmet соңғы бес жылдағы ең үздік өндірістік нәтижесін көрсетіп, бір айда 330 мың тонна болат өндіргенін айтты.
 
«Qarmet» АҚ – Қазақстан Республикасындағы толық өндірістік циклге ие ірі тау-металлургиялық компания, Орталық Азиядағы көмір, темір рудасы және энергетикалық базасы бар жалғыз интеграцияланған тау-металлургиялық кешен.
Qarmet Қазақстан Республикасындағы ең ірі қала құраушы кәсіпорындардың бірі болып табылады, 8 моноқаланың 180 мыңнан астам тұрғындарын коммуналдық қызметтермен қамтамасыз етеді.

Компанияның негізгі активтері Қарағанды, Ұлытау, Қостанай және Ақмола облыстарында орналасқан. Qarmet Қазақстандағы ірі салық төлеушілердің бірі. 2024 жылдың 9 айында мемлекеттік бюджетке 105 миллиард теңге төленді.

Бөлісу:

449 рет оқылды