Кеше кешкісін Құлжа трассасының бойында экобекетке жетпей, жаппай жол апаты болып, «Жедел жәрдем» көлігі аударылып қалды, – деп хабарлайды «Ұлт ақапарт».
Куәгерлердің айтуынша, Nissan Maxima және Lexus GS300 автокөліктері Құлжа трассасының бойымен солтүстік бағытта келе жатқан. Алда кептеліс пайда болып, Maxima тоқтайды. Ал Lexus арнайы жолаққа шығып кетеді, бұл кезде науқас мінген жедел жәрдем көлігі оңтүстік бағытта келе жатқан.
Лексус арнайы жолаққа шығып, жедел жәрдем көлігіне соқтығысады.
Жедел жәрдем жүргізушісі апатты болдырмауға тырысқанымен, нәтиже болмаған. Салдарынан Lexus жедел жәрдемге бар жылдамдықпен соқтығысты. Арнайы көлік аударылып қалып, кептелісте тұрған Nissan Maxima көлігін соғып кетті.
Аталған жол апаты салдарынан үш адам зардап шекті: жедел жәрдем көлігінде болған науқас пен фельдшер және Lexus жүргізушісі. Үшеуі де түрлі дене жарақатымен ауруханаға жеткізілді.
Апаттың мән-жайы анықталып жатыр.
1374 рет оқылды
