Фото ©REUTERS
Brent және WTI маркалы мұнайдың әлемдік бағасы 5 пайызға арзандады, - деп хабарлайды Tengrinews.kz тілшісі Reuters агенттігіне сілтеме жасап.
Нұр-Сұлтан уақытыммен сағат 10:50-дегі жағдай бойынша Brent маркалы мұнайдың мамырдағы фьючерстері барреліне 107,98 долларға дейін, маусым фьючерстері барреліне 106,22 долларға дейін төмендеді. АҚШ-тың WTI мұнайының мамыр айындағы фьючерстері барреліне 101,76 долларға дейін төмендеді.
Мұнай бағасына қысым АҚШ президенті Джо Байденнің АҚШ стратегиялық мұнай қорынан (SPR) 180 миллион баррельге дейін бөлу мүмкіндігін жариялаған мәлімдемесі арқылы жасалды.
Агенттіктің мәліметінше, америкалық көшбасшы кейінірек Ресей Украинаға басып кіргеннен бері рекордтық деңгейге жеткен бензин бағасын төмендетуге бағытталған жоспар туралы мәлімдеме жасайды.
"Егер ол дәл солай болып шықса, бұл маңызды. Тапшылықты белгілі бір дәрежеде толтыруға көмектеседі, бірақ бәрін емес", - деді ING тауар стратегиясының басшысы Уоррен Паттерсон.
Айта кетейік, Ресей - Сауд Арабиясынан кейінгі әлемдегі екінші ірі мұнай экспорттаушы, бірақ Украинамен болып жатқан жағдайлардан кейін салынған санкциялар елден келетін ағындарды үзіп, бағаның өсуіне әкелді.
777 рет оқылды
