Фото: Pexels.com
Бас прокуратура тоқтап қалған және өндірістік жүктемесі төмен кәсіпорындардың қызметін жандандыру, отандық өндірісті дамыту және импортқа тәуелділікті азайту бойынша шараларды қолға алды, деп хабарлайды Ult.kz.
Мәселен, "Qarmet Tubular Products Aktau" АҚ құбыр зауыты өндірістік қуатының небәрі 19%-ын ғана пайдаланып келген. Прокуратура жүргізген тексеріс нәтижесінде, отандық өндіруші бола тұра, квазимемлекеттік сектор компаниялары құбырларды делдалдар арқылы шетелден қымбат бағамен сатып алып отырғаны анықталды.
Жүргізілген қадағалау шараларының нәтижесінде, Үкімет пен ұлттық компаниялар инфрақұрылымдық жобаларға отандық зауыт өнімін пайдалану мәселесін қарастырды. Соның арқасында:
🔹 8 млрд теңгеге жаңа келісімшарттар жасалды;
🔹 Қызметкерлер саны 14%-ға артты;
🔹 Кәсіпорын толық қуатында жұмыс істей бастады, нәтижесінде пайдасы 2,5 есе өсті.
Қазіргі таңда прокуратура басқа да тоқтап қалған және өндірістік жүктемесі төмен кәсіпорындардың мәселелерін шешу бағытында жұмыс істеп жатыр. Бұл бастама импортты алмастыруға, экономикалық ресурстарды тиімді пайдалануға және отандық өндірісті дамытуға ықпал етпек.
Сонымен қатар, прокурорлар шикізат тапшылығы, өткізу нарықтарының болмауы және сатып алудағы шектеулер сияқты проблемаларға тап болған бизнес пен инвесторлардың құқықтарын қорғауды жалғастырады.
629 рет оқылды
