Қазақстандық спортшылар Бахрейнде өткен бадминтоннан халықаралық турнирде жеңіске жетті, деп хабарлайды ULT.KZ.
Қазақстандық спортшылар бадминтоннан Бахрейнде өткен Bahrain International Series 2024 турнирінде тамаша нәтиже көрсетті.
Әлемнің түкпір-түкпірінен ойыншылар бас қосқан турнирде Қазақстанның қос өкілі Дмитрий Панарин мен Айша Жұмабек аралас жұп категориясында жеңімпаз атанды. Дмитрий Панарин де жекелей сында қола жүлдені жеңіп алды.
2024 жылғы Бахрейн II халықаралық сериясы кезінде Дмитрий Панарин 6 кездесу өткізіп, қола медаль жеңіп алды. Сонымен бірге дуэтте Айша Жұмабекпен 4 кездесу өткізіп, бірінші орын үшін алтын жүлдені жеңіп алды.
Финалда қазақстандық жұп Дмитрий Панарин мен Айша Жұмабек үндістандық Кона Тарун және Шри Кришна Прия Кударавалли дуэтімен кездесті. Панарин мен Жұмабек 21-18, 21-15 есебімен жеңіске жетіп, аралас жұп категориясында алтыннан алқа тағынды.
Дмитрий Панарин 2024 жылдың 19-24 қараша аралығында Бахрейннің Манама қаласында өткен Bahrain International Series II 2024 турнирінде сәтті өнер көрсетті.
Ерлер арасындағы жекелей сында ол алғашқы екі раундта жеңіске жетті: 1/32 финалында
Сайед Эбрахим Хасанды 21-10, 21-11, ал 1/16 финалында Ахмад Альджалладты 21-11, 21-8 есебімен жеңді.
Осылайша Бахрейннің Манама қаласында қола жүлдені жеңіп алды. Бұған дейін Панарин 14-17 қараша аралығында Замбия, Лусакада өткен финалда Әзірбайжан өкілін ұтып, алтын медаль алған болатын.
37 рет оқылды
