Үкімет тұрғын үймен қамтамасыз ету мәселесінде нақты шаралар қабылдайды. Бұл туралы елордадағы Тәуелсіздік сарайындағы ұлықтау рәсімінде Қазақстан Президенті Қасым-Жомарт Тоқаев мәлім етті, деп хабарлайды ҚазАқпарат тілшісі.
Президент алда атқарылатын жұмыстардың бір бағыты тұрғын үй мәселесін шешуге арналатынына тоқталды.
«Түрлі санаттағы азаматтардың қолжетімді баспанаға ие болуына айрықша назар аударамын. Біздің алдымызда бірыңғай тұрғын үй саясатын жасақтау міндеті тұр. Үкімет осы бағытта нақты шаралар қабылдайды», - деді Қасым-Жомарт Тоқаев.
1264 рет оқылды
