Атырауда арзан ипотека ресімдеуге уәде берген алаяқ әйел ұсталды, деп хабарлайды ҚазАқпарат.
Облыстық полиция департаменті баспасөз қызметінің ақпаратына сүйенсек, 48 жастағы әйел 4 адамды алдаған.
«Алаяққа алданған 4 әйелдің әрқайсысы 2019 жылы 500 мыңнан 600 мың теңге аралығында ақша берген. Бірақ, олар арзан ипотека ресімдеуге уәде берген әйелді таппай қалған. Арзан ипотека ресімдеуге уәде берген алаяқ алған ақшасын кері қайтармаған. Жақында полиция қызметкерлері 48 жастағы азаматшаны анықтап, ұстады», - дейді департамент бастығы, полиция полковнигі Қамза Үмбетқалиев.
Қазір күдіктіге қатысты ҚР Қылмыстық кодексінің 190-бабының 3-бөлігімен сотқа дейінгі тергеу жүргізіліп жатыр. Сондай-ақ, күдіктінің өзге қылмыстарға қатысы тексерілуде.
1003 рет оқылды
