"Антимонополиялық орган «Астанаэнергосбыт» ЖШС-ға заңнаманы бұзғаны үшін 3 миллион теңге айыппұл салды", - деп хабарлайды "Ұлт ақпарат" мекеменің баспасөз қызметіне сілтеме жасап.
«Астанаэнергосбыт» ЖШС «Табиғи монополиялар және реттелетін нарықтар туралы» ҚР Заңының 5-бабы, 1-бөлімі, 5-тармақшасында көрсетілген (табиғи монополиялар субъектісінің реттелетін қызметтеріне (тауарларға, жұмыстарға) қолжетімділік жағдайларын міндеттеу немесе тұтынушыларды кемсітушілікке әкеп соғатын өзге де әрекеттер) құқықбұзушылық фактісі анықталды», - делінген ҚР Табиғи монополияларды реттеу және бәсекелестікті қорғау комитетінің хабарламасында. Осыған байланысты «Астанаэнергосбыт» ЖШС-ға ҚР ӘҚБК 164-бабы, 4-бөлімі бойынша әкімшілік жауапкершілікке тарту туралы хаттама толтырылды.
Комитет департаменті серіктестіктің өтінішіне сәйкес, ҚР ӘҚБК 24-бабы бойынша әкімшілік құқықбұзушылық туралы істі мамандандырылған ауданаралық әкімшілік соттың қарауына жіберді. Мамандандырылған ауданаралық әкімшілік соттың қаулысымен 1600 АЕК айыппұл түрінде әкімшілік жаза тағайындалды, яғни мемлекет пайдасына 3 393 600 теңге өндіріледі.
2065 рет оқылды
