- 2016 жылы Сирия, Ливан, Ирак және Йеменнің 70 мыңға тарта заңсыз мигранты Азиядағы өзара ықпалдастық және сенім шаралары жөніндегі кеңес (АӨСШК) аумағына өтіп кеткен. Бұл туралы бүгін АӨСШК бас xатшысының орынбасары Валерий Семериков мәлім етті, деп xабарлайды Ұлт.кз тілшісі ҚазАқпарат агенттігіне сілтеме жасап.
«Биыл жыл әлі толық аяқталмаса да, АӨСШК ұйымына мүше мемлекеттердің аумағына Сирия, Ливан, Ирак және Йеменнің 70 мыңға тарта заңсыз мигранты еніп кеткен. Олардың 63 мыңы ТМД елдерінен келді. Олар транзитпен келгені анық. Қалғандары бойынша жұмыс жүргізілуде», - деді ол Астанада ұйымға мүше елдердің заңсыз миграциямен күрес органдарының үйлестіру кеңесінің отырысында.
Оның айтуынша, ТМД елдерінде заңсыз жүрген мигранттар бойынша шұғыл шаралар қолданылды. Олардың басым бөлігі елден шығарылды.
«2016 жылы Ауғанстаннан 22 мың адам АӨСШК елдеріне заңсыз көшкен. Олар Таяу Шығыстан келген мигранттардан көп. Олар бойынша тиісті жұмыстар атқарылуда», - деді Семериков.
РФ Ішкі істер министрінің бірінші орынбасары Александр Горовойдың айтуынша, Таяу Шығыстан келген мигранттардың басым бөлігі жалған құжаттармен келген.
«Біз қазір Сирия мен Ирак бандалары ұрлап кеткен 60 мыңнан астам паспорпен жұмыс жасаудамыз. Оларды лаңкестер мен топ мүшелері қолданды деп болжауға болады», - деді ол.
Барлық құқықтар қорғалған. inform.kz белсенді сілтемені пайдаланыңыз http://www.inform.kz/kz/aosshk-siriya-men-iraktyn-60-mynnan-astam-migranty-tmd-arkyly-shekara-askan_a2970523
2119 рет оқылды
