Алматы қаласында дәстүрі «Алтын Жүрек» сыйлығының үздік номинантары анықталды. Биыл барлығы 300 өтінім келіп түсті.
«Алтын жүрек» ұлттық сыйлығының ұйымдастырушылары 12 жыл қатарынан еліміз бойынша нағыз мейірбан, жаны жомарт жандарды іздеп келеді. «Қайырымдылық» сынды асыл қасетті бойларына сіңірген алтын жүректерге алғыс айтып ел алдында мадақтап, марапаттап жүр.
Аталмыш шара жылсайын «Baurzhan» қорының бастамасымен, «Нұр Отан» партиясы, «ПетроКазахстан» АҚ және Алматы қаласының әкімдігінің қолдауымен өткізіледі.
Осы жылдар ішінде «Алтын жүрек» - қайырымдылықтың нышаны іспеттес, қазақ халқының мейірімді әрі атымтай жомарт жандарға бай екенін байқатып келеді. Бес ай бойы ұлттық сыйлық ұйымдастырушылары еліміз бойынша қайырымдылықпен айналысатын жандарды іздеді.
«Жыл сайын ұйымдастырушылар комитеті қайырымды адамдар жасайтын тарихтың куәсі болады. Байқасаңыз, алтын жүректі адамдардың қатары толып келеді. Бұл қуантарлық жайт. Жыл сайын қоғамға септігін тигізіп, мүмкіндігі шектеулі жандардың жан-айқайын құлақтан өткізбей, барынша қамкорлық жасалып, үлкен жұмыс атқарылып келеді. Біз өз кезегімізде осы көмекті жүзеге асыратын қайырымды адармарға алғыс білдіруден шаршамаймыз!» - дейді жоба жетекшісі Гүлзат Сахова.
Алтын жүрек атына лайық үміткерлерді саралау барысы барлық келіп түскен өтініштер ішінен 4-қазан өткен сарапшылар кеңесінде әр номинация бойынша үш үміткерден анықталды:
1. «Қазақстанның өркендеуіне қосқан үлесі үшін» номинациясында «Damiani» зергерлік бренді (Италия), Ольга Батутина и Илья Байбулатов (Москва қаласы, РФ), Виктория Акатьева-Костылева (Санкт-Петербург қаласы, РФ).
2. «Білімді дамытуға қосқан үлесі үшін» номинациясында Елдар Әбдіразақов (Алматы қ.), Асылбек Қожахметов (Алматы қ.), Samsung Electronics Central Eurasia (Алматы қ.).
3. «Денсаулық сақтау саласына қолдау көрсеткені үшін» номинациясында Роза Әлімханова (Қарағанды қ.), Айнұр Тәжина (Астана қ.), Иманғазы Ибатұлы (Атырау қ.).
4. «Ардагерлерге көрсеткен құрметіүшін» номинациясында АО Транснациональная компания «Казхром» (Ақтөбе қ.), Сейдахмет Қалтаев (Жамбыл обл, Тараз қ), Сырым Пердебаев (Қарағанды обл, Приозерск қ.)
5. «Жыл ұйымы» номинациясы БФ «Харекет» (Алматы қ.), ОФ «Дети Рисуют Мир» (Алматы қ.), АО «Рахат» (Алматы қ.).
6. «Ақпараттық қолдаушы» номинациясында Новостной портал «Tengrinews» (Алматы қ.), Телеканал «КТК» (Алматы қ.), Медицинский портал «www.bestdoctor.kz» (Астана қ.)
7. «Жыл меценаты» номинациясы бойынша Алпамыс Шаримов (Орал қ.), Багдат Самидинова (Алматы қ.), Сергей Глушков (Шығыс Қазақстан обл., Шемонаиха ауданы, Первомайский кенті)
8. «Спортты дамытып, оны қолдағаны үшін» номинациясында бойынша Марал Итегулов (Ақтөбе қ.), Александр Винокуров (Алматы қ.), Арман Машимов (Шығыс Қазақстан обл., Семей қ.)
9. «Қоршаған ортаны қорғауға қосқан үлесі үшін» номинациясында Айжан Сқақова (Алматы қ.), Экологический проект «Тазалық» (Алматы қ.), Компания «Теле 2 Қазақстан» (Алматы қ.)
10.«Жетім балаларға көрсеткен қамқорлығы үшін» номинациясы Анар Ахметцина (Ақтөбе обл., поселок Кенкияк), Андрей Савчук (Астана қ.), Гүлнар Қабылбекова (Алматы обл., г. Уштобе)
11. «Жылдың қайырымды адамы» номинациясында Болат Өтемұратов (Алматы қ.), Александр Касицын (Павлодар қ.), Қайрат Құдайбергенов (Алматы қ.)
12. «Мүгедек жандарға көрсеткен қамқорлығы үшін» номинациясыда Корпоративный фонд «Смелость быть первым» (Алматы қ.), Нұржан Әлжанова (Алматы қ.), АО «Шинхан Банк Казахстан» (Алматы қ.)
Шараның маңыздылығы жайында ғалым-медик және Америка Денсаулық сақтау ассоциациясының мүшесі Алмас Шарман да айтып өтті.
«Алтын жүрек» сыйлығымен биыл бірінше рет танысып, үлкен тарихына үңілу мүмкіндігі пайда болды. Бұндай жобалар өте қажет, себебі олар адамдарды игі істерге итермелеп, қоғамды алға қарай жылжытатын мықты күш. Өзім қайырымдылықпен айналысатын болған соң, бұндай жобарлар маған өте қызық. Жалпы, барлық номинацияларды қарастырып, Денсаулық сақтау саласындағы жасалған қайырымды істер көңілімнен шықты» - деп айтып өтті Алмаз Шарман.
Соңғы өткен қоғамдық кеңесте әділ-қазылар мүшелігіне қазақстандық қоғамдық қайраткерлері мен БАҚ өкілдері қатысты. Олардың қатарындасаясаткер Расул Жұмалы, "Mary Kay Kazakhstan" Бас директоры Константин Кулинич, бизнес-ханым, қоғам қайраткері, қайырымдылық жобаларының авторы, балаларға арналған "Үй ошағының сиқырлы ертегілері" ертегілерінің авторы Виктория Моминбаева, «Ecо Kultura» ҚК жетекшісі, әлеуметтанушы Алеся Нугаева және т.б қоғам қайраткерлері бар.
Бұндай қайырымдық сыйлықтың қоғамға берері көп екендігін Қоғамдық кеңес мүшелері біріңғай айтып өтті.
«Қазіргі таңда қоғамда адамдар арасында жылулық мен қамкорлық сиректеп барады. Осы мәселелерді қарастырып, мүмкіндігі шектеулі адамдарға, қарт адамдар мен ардагерлерге көмектесіп жүрген адамдарды анықтап алып, оларға құрмет көрсету, менің ойымша, өте дұрыс. «Алтын жүрек» сыйлығы - философиясы мен қағидалары жетілген, адамдар арасында насихаттауға тұрарлық мән-маңызы бар үлкен жоба», - деп есептейді Қазақстан Жазушылар одағы төрағасының орынбасары Мереке Құлкенов.
«Алтын жүрек» ұлттық сыйлығының жеңімпаздары 2018 жылы 27 қазан күні отандық жұлдыздар мен қоғамдық қайраткерлердің Алматы қаласында марапатталатын болады.
3032 рет оқылды
