Алматыда ұялы телефон сатушыларын алдап, 30 миллион теңгесін алып кеткен әйел ұсталды, - деп хабарлайды "Ұлт ақпарат" Polisia.kz сайтына сілтеме жасап.
Алматы қаласы Алмалы ауданының полициясы мәліметінше, 22 жастағы әйел көтерме жеткізушілерден мобильді құрылғыларды алып, нәтижесінде телефон да, ақша да жоқ, ізін суытқан. Ол жәбірленушілермен ұялы телефон сатушысы ретінде танысқан.
"4 жеке кәсіпкер полицияға ресми түрде арызбен жүгінді, келтірілген материалдық шығын 30 миллион теңгеге бағаланды. Күдікті ұсталды және ҚР ҚК-нің 190 бабы бойынша қылмыстық жауапкершілікке тартылды. Оның жеке басының басқа да осыған ұқсас әрекеттерге қатыстылығы тексеріліп жатыр. Осыған байланысты, нөмірлерімізді жарияладық, сол арқылы басқа да жәбірленушілер тергеушілерге хабарласа алады: 8-708-707-92-02 және 8-705-555-77-63", - деді Алмалы аудандық Полиция басқармасының бастығы Есен Ысқақов.
930 рет оқылды
