Алматыда бұрынғы әріптесін зорлаған ер адамға қатысты сот үкімі шықты, деп хабарлайды ҚазАқпарат.
Алматы қаласы Полиция департаментінің Тергеу басқармасының мәліметінше, сот Ш. есімді азаматқа қатысты қылмыстық іске нүкте қойды.
«Жаңа жыл қарсаңында Ш. есімді азамат бұрын өзімен бірге жұмыс істеген Б. есімді азаматшаны бірлесіп корпоративтік жаңа жылдық кештер ұйымдастырамыз деген сылтаумен келіссөздер жүргізуге шақырған. Осы мақсатта ер адам алдын ала жалға берілетін пәтерді жалдап, онда жәбірленуші апарған. Онда оны ұрып-соғып, бірнеше сағат зорлаған, сондай-ақ, жыныстық сипаттағы басқа да зорлық-зомбылық әрекеттерін жасаған. Қазір күдікті ұсталды және уақытша ұстау изоляторына қамалды. Жүргізілген сотқа дейінгі тергеу амалдарымен Ш. есімді азаматтың кінәсі толық дәлелденді», – деді Алматы қалалық Полиция департаменті бастығының орынбасары Рүстем Әбдірахманов.
Медеу ауданы аудандық сотының үкімімен Ш. есімді азамат ҚР ҚК-нің 120-бабы 1-бөлігі, 121-бабы 1-бөлігімен кінәлі деп танылып, алты жылға бас бостандығынан айырылды.
881 рет оқылды
