Джон Хопкинс университетінің есебі бойынша індеттен көз жұмғандардың ең көбі - АҚШ, Бразилия және Ұлыбритания елдерінде, деп хабарлайды "Ұлт ақпарат" университет мәліметтеріне сілтеме жасап.
Жаңа типтегі коронавирусты жұқтырған соң қайтыс болған адам саны сенбі күні 600 435-ке жетті. Бұл - Джон Хопкинс университетінің мемлекеттердің федералдық және жергілікті билігінің ақпараты негізінде жасаған есебі.
Зерттеу ұйымының мәліметінше, вирустан ең көп адам көз жұмған елдер – АҚШ (139,9 мыңнан астам адам), екінші орында Бразилия (78,7 мыңнан астам адам) және Ұлыбритания (45,3 мыңнан астам адам).
Қазіргі кезде коронавирус 14,2 млн астам адамнан анықталған. Індет жұқтыру оқиғаларының ең көбі АҚШ-та (3 697 743). Бұдан кейін тізімде (2 074 860), Үндістан (1 038 716) және Ресей (765 437) тұр.
Жаңа коронавирус 2019 жылдың соңында Орталық Қытайда тіркеліп, көптеген елдерге тараған. Дүниежүзілік денсаулық сақтау ұйымы оны "пандемия" деп атады.
937 рет оқылды
