#
#
Жұма 18/09/2020

Алдағы уақытта мектептердің қаржылық шығындарын арнайы сайттан көріп отыруға болады

  • 15.09.2020
  • 0
  • 100

Мектептерді жан басына қаржыландыру жүйесі алдағы уақытта толығымен ретке келтіріліп, шығындардың бәрін арнайы сайттан көріп отыруға болады.

Бұл туралы Білім және ғылым министрі Асхат Аймағамбетов мәлім етті, деп хабарлайды "Ұлт ақпарат".

«Біз білім саласының қаржыландырылуының ашықтығын қамтамасыз етуіміз керек. Біріншіден, бөлек бюджеттік бағдарламаны іске асырған дұрыс. Білім саласына бөлінген қаражаттың дұрыс бағытта жұмсалып жатқанын бақылап отыратындай мүмкіндік болуы тиіс. Екіншіден, қай өңірге жергілікті атқарушы органнан қаражат жеткіліксіз бөлінді – оны ай сайын қарап, қадағалап, сайтқа іліп отыру керек. Оны қоғам білуі тиіс. Үшіншіден, қазір азаматтық бюджет деген ұғым бар. Әр мектептің, әр облыстың бюджеті, шығындары міндетті түрде сайттарында ілінуі керек. Бір компьютер сатылып алынса да – ол қандай, фотосы бар ма, актісімен бірге бәрі ілініп тұрады. Сонда ғана қоғамда білім саласына қатысты теріс ойлар болмайды», - деді Асхат Аймағамбетов Білім және ғылым министрлігінің аппараттық отырысында.

Министр әр мектепке осындай жүйе енгізілетінін мәлім етті.

«Бізде SEDA деген сайт бар. Сонда әр мектепте неше баладан бар – барлық ақпаратты енгізіп жатырмыз. Сол сайтта қаржыландыру мәселесі де бөлек қаралатын болады. Қанша қаражаты бар? Бюджеті қандай? Не сатып алды? Жалақы төлеуге қанша қаражат жұмсалды? Басқа да шығындардың бәрін содан көріп отырамыз», - деді ол.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар