29 жел, 2021 сағат 11:28

Ақтөбеде мектеп директоры сотталды

© Sputnik / Болат Шайхинов

Ақтөбеде жалпы білім беретін мектептің басшысы оқу орнына жұмысқа қабылдау үшін ақша алған, деп жазады Sputnik Қазақстан.

Соттың баспасөз қызметінің хабарлауынша, №71 мектеп директорының міндетін атқарушы бірнеше рет пара алды деп айыпталған.

Алдымен жұмысқа орналасуға жәрдемдескені үшін 200 мың теңге, содан кейін тағы жүз мың теңге алған.

Сот оны мемлекеттік қызметте жұмыс істеу құқығынан өмір бойына айырып, жеті жылға бас бостандығынан айыру жазасын тағайындады, деп хабарлады "Мой город".

Шешім қабылдау барысында сыбайлас жемқорлық қылмысының ауыр екені, сондай-ақ сотталушының жас балалары бар екені ескерілді.