26 қаз, 2022 сағат 16:37

АҚШ-тағы шикі мұнай қорының өсуі бағаның төмендеуіне әсер етті

АҚШ-тағы шикі мұнай қорының күткен мөлшерден артық өсуіне байланысты сәрсенбі күні мұнай бағасы төмендеді, деп хабарлайды ҚазАқпарат тілшісі Reuters агенттігіне сілтеме жасап.

Америкалық мұнай институтының салалық тобының мәліметтеріне қарағанда, 21 қазан күні сауда-саттық АҚШ-тағы шикі мұнай қорының өсуін көрсетті. Ол бір аптада шамамен 4,5 миллион баррельге өскен. Осыған байланысты желтоқсандағы Brent маркалы мұнай фьючерстері алдыңғы сессияда 26 центке өскеннен кейін барреліне 92,49 долларға дейін 1,03 долларға немесе 1,1%-ға арзандады.

West Texas Intermediate (WTI) маркалы америкалық мұнайдың желтоқсандағы фьючерсі 75 центке немесе 0,9%-ға арзандап, 84,57 долларға дейін төмендеп, алдыңғы сессияның өсуін толығымен өзгертті. Өз кезегінде, шикі мұнай қорының өсуі сұранысты азайтатын жаһандық рецессияға қатысты алаңдаушылықты күшейтті.

«Қараша айынан бастап ОПЕК+ өндірісін қысқарту және желтоқсанда күшіне енетін ресейлік мұнайға ЕО-ның жаңа санкциялары бағаға оң әсер етуі керек», - деді SPI Asset Management басқарушы серіктесі Стивен Иннес.

Өз кезегінде Сауд Арабиясының Энергетика министрі Абдель Азиз бин Салман төтенше жағдай қорындағы мұнай сатылымын сынға алып, оны «нарықтарды манипуляциялау» әрекеті деп бағалады. Байден алдағы ОПЕК+ өндірісін қысқарту АҚШ сайлауы қарсаңында жанармай бағасының қымбаттауына әкелмеуін қамтамасыз етуді қалайды. Алайда, президент SPR-ді қолданғаны үшін қарсыластарының сынына ұшырады, нәтижесінде америкалық резервтегі мұнай қоры шамамен 400 миллион баррельге дейін төмендеді - бұл 35 жылдағы ең төменгі көрсеткіш.