АҚШ президенті Дональд Трамп 7 маусымда Ұлттық гвардияның Вашингтондағы бес мың сарбазын қаладан шығаруды бұйырды. Әскери күш Вашингтонға бірнеше күн бұрын, Миннеаполисте афроамерикалық Джордж Флойдтың полицей қолынан қаза табуынан кейін басталған наразылықты басу үшін кіргізген. Президент бұл шешімін ел астанасының “мінсіз бақылауда” ұстау қажетімен түсіндірген. Бұл туралы “Америка дауысы” радиосы хабарлады.
АҚШ-тың бұрынғы әскери қолбасшылары ұлттық гвардияның ел астанасынан шығарылуына қарамастан, Трамптың Вашингтонға 10 мың сарбаз кіргізу туралы бір апта бұрынғы мәлімдемесіне әлі қарсылық танытып жатыр.
Соңында Вашингтонға әуе десант күштерінің 1600 сарбазы жеткізілді, бірақ олар наразылықты басуға атсалысқан жоқ, дейді “Америка дауысы”.
АҚШ қорғаныс министрі Марк Эспер наразылықты әскердің күшімен басу идеясымен келіспейтінін жеткізген. Пентагон басшысын бас прокурор Уильям Барр да қолдаған.
606 рет оқылды
