Штаб бастықтарының біріккен комитетінің төрағасы, АҚШ армиясының генералы Марк Милли 18 жылдан бері Ауғанстанда тұрған Америка әскері әлі де бірнеше жыл сонда қала беретінін айтты.
10 қарашада АҚШ-тың АВС телеарнасына берген сұқбатында Милли 2001 жылы 11 қыркүйектегі террор шабуылынан кейін "Ауғанстанға АҚШ әскерін жіберудің бастапқы мақсаты - Ауғанстанды террористер тығылатын орынға айналдырмау болатын" деді.
"Бұл миссия әлі де аяқталған жоқ, Миссия табысты болуы үшін Ауғанстан үкіметі, ауған қауіпсіздік күштері террористерді ауған жерін өзге елдерге, әсіресе АҚШ-қа шабуыл жасауға пайдаланбайтындай деңгейде ішкі қауіпсіздікті қамтамасыз ете алатындай болуы тиіс, - дейді Милли.
Қазіргі уақытта Ауғанстанда АҚШ-тың 14 мыңға жуық әскери қызметкері мен НАТО басқаруындағы миссия құрамында Еуропа елдерінің мың әскери қызметкері бар.
Президент Дональд Трамп АҚШ-тың қарулы жанжал болып жатқан түрлі елдерден кететін кез келді деп бірнеше рет мәлімдеген.
771 рет оқылды
