Фото: elements.envato.com
Атом электр станциясы бойынша мәселе референдумға шығарылмайды. Бұл туралы ҚР Энергетика вице-министрі Жандос Нұрмағанбетов айтты, деп хабарлайды ҚазАқпарат.
«Бұл мәселе (АЭС құрылысы туралы) референдумға шығарылмайды. Бірінші мәселе станцияны орналастыратын жерге қатысты болып тұр. Екіншіден, технология мен қаржылық-экономикалық модель - маңызды тақырып», - деді Жандос Нұрмағанбетов Сенат отырысынан кейін тілшілер сұрағына жауап бере отырып.
Оның айтуынша, қазір осы салада жұмыс істейтін компаниялардың барлығы Қазақстанмен ынтымақтастықты дамытуға талпынып отыр. Атап айтқанда, жақында келіссөздерге Оңтүстік Кореядан өкілдер келген. Сонымен қатар, Қытай жағы да тиісті ұсыныс жасауы мүмкін.
«Біз әлі де АЭС салынатын жер мен құрылыс жұмыстарының уақытын нақтылаған жоқпыз. Енді заңнамаға сәйкес қоғамдық тыңдаулар ескерілген. Бізге жаңа министр келді және осы мәселемен айналысып жатырмыз», - деді вице-министр.
591 рет оқылды
