Мемлекет басшысы Қасым-Жомарт Тоқаев Әбдіжәміл Нұрпейісовке жоғары дәрежелі ерекшелік белгісі – "Қазақстанның Еңбек Ері" атағын беру туралы Жарлыққа қол қойды, деп хабарлайды Ақорданың баспасөз қызметі.
"Ұлттық әдебиетті дамытудағы айрықша еңбегі үшін жазушы Әбдіжәміл Кәрімұлы Нұрпейісовке жоғары дәрежелі ерекшелік белгісі – "Қазақстанның Еңбек Ері" атағы берілсін", - деп жазылған құжатта.
Жарлық қол қойылған күнінен бастап қолданысқа енгізіледі.
Әбдіжәміл Нұрпейісов 1924 жылы 22 қазанда Қызылорда облысы, Арал ауданының Үшкөң ауылында туған. Қазақстанның Халық жазушысы, КСРО Мемлекеттік сыйлығының иегері, Ұлы Отан соғысы ардагері, қоғам қайраткері.
Ол – әйгілі "Қан мен тер" трилогиясының авторы. Оның туындылары 30 тілге аударылған.
2008 жылдың күзінде Ақтөбе қаласындағы Абай саябағында "Қан мен тер" туындысына арналған мүсін орнатылды. Ескерткіштің биіктігі – 5 метр. Бұл – Қазақстандағы әдеби шығарма кейіпкерлеріне орналған алғашқы ескерткіш.
2236 рет оқылды
