Жеңіс Қасымбек ҚР Индустрия және инфрақұрылымдық даму министрі болып тағайындалды, деп хабарлайды "Ұлт ақпарат" Ақордаға сілтеме жасап.
"Жеңіс Махмұдұлы Қасымбек Қазақстан Республикасының Индустрия және инфрақұрылымдық даму министрі болып тағайындалсын, ол Қазақстан Республикасының Инвестициялар және даму министрі қызметінен босатылсын" делінген Елбасы Жарлығында.
Айта кетсек, Жеңіс Махмұдұлы Қасымбек 1975 жылы 7 мамырда дүниеге келген.
ҚазБСҚА (Алматы қ.) «Сәулетші-дизайнер» мамандығы бойынша, сондай-ақ Л.Н. Гумилев атындағы ЕҰУ «Экономист-менеджер» мамандығы бойынша аяқтады, экономика ғылымдарының кандидаты
Әр жылдары ҚР Табиғи монополияларды реттеу және бәсекелістікті қорғау жөніндегі агенттіктің темір жол көлігі және порттар бөлімінің басшысы, Үйлестіру және тарифтік саясат департаментінің тарифтік саясат бөлімінің басшысы, ҚР Көлік және коммуникация министрлігінің Су көлігі департаментінің директоры, «Ақтау халықаралық теңіз порты» РМК директоры лауазымын атқарды.
2005 жылдан бастап – Қазақстан Республикасы Көлік және коммуникация вице-министрі.
2009 жылдан бастап - Қазақстан Республикасы Көлік және коммуникация министрлігінің Жауапты хатшысы.
2014 жылғы наурыздан бастап – Қазақстан Республикасы Көлік және коммуникация министрі.
2014 жылғы тамыздан бастап – Қазақстан Республикасы Инвестициялар және даму бірінші вице-министрі.
2016 жылғы маусымнан бастап – Қазақстан Республикасы Инвестициялар және даму министрі болып қызмет еткен болатын.
4129 рет оқылды
