چارلز مەنسون ەشكٸمدٸ ٶز قولىمەن ٶلتٸرمەسە دە, ونىڭ اتى حح عاسىرداعى ەڭ قاتىگەز قىلمىستاردىڭ سيمۆولىنا اينالدى, دەپ حابارلايدى ult.kz.
چارلز مەنسون - حح عاسىرداعى ەڭ قاتىگەز ەرٸ ەڭ تانىمال قىلمىسكەرلەردٸڭ بٸرٸ. ول 2017 جىلى 83 جاسىندا كاليفورنييا شتاتىنداعى اۋرۋحانادا قايتىس بولدى. مەنسون ٶمٸر بويىنا باس بوستاندىعىنان ايىرىلعان ەدٸ.
ول 1960-جىلدارى ٶزٸ قۇرعان «وتباسى» (Family) قاۋىمداستىعى مٷشەلەرٸ جاساعان قاتىگەز كٸسٸ ٶلتٸرۋلەردەن كەيٸن تانىمال بولدى. قاۋىمداستىق The Beatles ەندەرٸن ٶز بەتٸنشە بۇرمالاپ, ولاردا نەسٸلدەر اراسىنداعى قاقتىعىس تۋرالى جاسىرىن ٷندەۋ بار دەپ سەنگەن.
مەنسونعا قاتىستى ەڭ شۋلى قىلمىستاردىڭ بٸرٸ - 1969 جىلى بولدى. سول جىلى كينورەجيسسەر رومان پولانسكيدٸڭ جۇبايى, اكتريسا شەرون تەيت قازا تاپتى. ول جٷكتٸلٸكتٸڭ سەگٸزٸنشٸ ايىندا بولعان. سول تٷنٸ مەنسون توبى تاعى تٶرت ادامدى ٶلتٸرگەن.
بەرٸ قالاي باستالدى?
چارلز مەنسون 1934 جىلى 12 قاراشادا اقش-تىڭ تسينتسينناتي قالاسىنداعى مەملەكەتتٸك اۋرۋحانادا دٷنيەگە كەلگەن. اناسى كەتلين مەددوكس نەبەرٸ 16 جاستا بولعان. تۋعان كەزدە وعان «اتى جوق مەددوكس» (no name Maddox) دەگەن ەسٸم بەرٸلگەن. بٸر اپتادان كەيٸن عانا وعان چارلز ميللز مەددوكس دەگەن ەسٸم قويىلدى.
ەكەسٸ كٸم ەكەنٸ ەلٸ كٷنگە دەيٸن بەلگٸسٸز. مەنسوننىڭ بالالىق شاعى اۋىر ٶتكەن. اناسى تٷرمەگە تٷسٸپ, ٶزٸ تەربيەسٸ قيىن بالالارعا ارنالعان ارنايى مەكەمەلەردە تەربيەلەنگەن. ول جەردەن جيٸ قاشىپ كەتٸپ, كٶلٸك پەن ۆەلوسيپەد ۇرلاعان.
20 جاسىندا مەنسوننىڭ العاشقى قىلمىستىق ەرەكەتتٸ باستالدى. ول وسى ەرەكەتتەرٸ ٷشٸن العاشىندا شارتتى جازا العان, كەيٸن 10 جىلعا سوتتالعان. ونىڭ سەگٸز جىلىن ٶتەپ, 1967 جىلى بوستاندىققا شىققان.
مەنسوننىڭ ەستەلٸكتەرٸنە قاراعاندا, ول قۇربىسى مەري ەكەۋٸ كاليفورنييانى ارالاپ جٷرگەندە, قوعامنان ٶز ورنىن تابا الماعان جاستار وعان كەلە باستاعان. ولار «وتباسى» قاۋىمىنىڭ مٷشەسٸنە اينالىپ, بٸر-بٸرٸن «اعا», «قارىنداس» دەپ اتاپ, جاڭا ەسٸمدەر العان.
ولاردىڭ نەگٸزگٸ مەكەنٸ سپەن رانچوسى بولعان. بۇرىن ول جەر ۆەستەرن فيلمدەرٸن تٷسٸرۋ ٷشٸن پايدالانىلعان. رانچودا «وتباسى» قاۋىمداستىعىنىڭ مٷشەلەرٸ ەن ايتىپ, توپتىق جىنىستىق قاتىناسقا تٷسٸپ, «شايتانعا قۇلشىلىق» رەسٸمدەرٸن ٶتكٸزٸپ, ەسٸرتكٸ قولدانعان. سونىمەن قاتار جانۋارلاردى سويىپ, قانىن ٸشكەنٸ ايتىلعان.
ەڭ اتىشۋلى قىلمىس
مەنسون توبىنىڭ العاشقى قۇرباندارىنىڭ بٸرٸ اكتريسا شەرون تەيت بولدى. ونىمەن بٸرگە ونىڭ دوستارى دجەي سەبرينگ, ۆويتەك فريكوۆسكي جەنە ەبيگەيل فولگەر دە ٶلتٸرٸلدٸ. كەيٸنٸرەك كەلگەن ستيۆەن پەرەنت تە قازا تاپقان.
قۇرباندار اسا قاتىگەزدٸكپەن ٶلتٸرٸلگەن. ولاردى پىشاقپەن اياۋسىز تٸلگٸلەگەن. جالپى سانى جٷزدەن استام پىشاق جاراقاتى سالىنعان.
مەلٸمەتكە سەيكەس, قىلمىس بولعان كٷنٸ ٷيدٸڭ كٸرەبەرٸس ەسٸگٸ اشىق قالعان. ەسٸكتٸڭ تٶمەنگٸ جاعىنا قانمەن «Pig» («دوڭىز») دەگەن سٶز جازىلعان. بۇل شەرون تەيتتٸڭ قانى بولعان. ساراپتاما قورىتىندىسىندا تەيتتٸڭ دەنەسٸنەن 16 پىشاق جاراقاتى تابىلعانى, ونىڭ بەسەۋٸ ٶلٸمگە ەكەلگەنٸ كٶرسەتٸلگەن.
وسىدان كەيٸن لوس-اندجەلەستەگٸ تانىمال شاشتاراز, كوفەحانا يەسٸ جەنە تاعى باسقا ادامدار دا ٶلتٸرٸلدٸ. پوليتسييا «وتباسى» قاۋىمداستىعى مٷشەلەرٸن تٷگەل ۇستادى. ولاردى ٶلٸم جازاسىنان كاليفورنييا شتاتىندا 1972 جىلى بۇل جازا جويىلعانى عانا قۇتقارىپ قالدى. نەتيجەسٸندە سوت مەنسونعا توعىز مەرتە ٶمٸر بويى باس بوستاندىعىنان ايىرۋ جازاسىن تاعايىندادى.
مەنسون مەن ونىڭ توبى سوت زالىندا وتىرعان كەزدە, بوستاندىقتا قالعان جاقتاستارى وعان تاعايىندالعان ادۆوكاتتى ٶلتٸرٸپ كەتكەن.
ٶزدەرٸنە قاتىستى اقپاراتتىڭ باق-تا كەڭ تاراۋىنا نارازىلىق رەتٸندە مەنسون مەن ونىڭ ٸزباسارلارى ماڭدايلارىنا سۆاستيكا بەلگٸسٸن سالعان. مەنسون سول تىرتىقپەن ٶمٸرٸنٸڭ سوڭىنا دەيٸن جٷرگەن.
تٷرمەدە وتىرعان كەزٸندە مەنسون 13 رەت شارتتى تٷردە مەرزٸمٸنەن بۇرىن بوساتۋدى سۇراپ ٶتٸنٸش بەرگەن. بٸراق ەر جولى باس تارتۋ العان. تٷرمەدە ٶتكٸزگەن جىلدارى ول ٶزٸن حريستيان بەلسەندٸسٸ رەتٸندە تانىتىپ, «Will You Die For Me?» (مەن ٷشٸن ٶلۋگە دايىنسىڭ با?) اتتى اۆتوبيوگرافييا جازعان. سونىمەن قاتار ٷيلەنٸپ, تٶرت بالانىڭ ەكەسٸ اتانعان جەنە جەكە ۆەب-سايت اشقان.
قىزىقتى دەرەك: روك ەنشٸسٸ Marilyn Manson ٶزٸنٸڭ ساحنالىق لاقاپ اتى ٷشٸن «مەنسون» تەگٸن چارلز مەنسوننان, ال «مەريلين» ەسٸمٸن مەريلين مونرودان العان. ەنشٸنٸڭ ايتۋىنشا, ول وسىلايشا «امەريكالىق مەدەنيەتتٸڭ ەكٸ سيمۆولىن» بٸرٸكتٸرگەن.
كٸسٸ ٶلتٸرۋشٸنٸڭ دەنەسٸ كرەماتسييالانعان
چارلز مەنسون 2017 جىلدىڭ قاراشاسىندا 83 جاسىندا كاليفورنيياداعى اۋرۋحانادا قايتىس بولدى. كەيٸن ونىڭ دەنەسٸن كٸم الاتىنىنا قاتىستى داۋ تۋىنداعان. اقىرى سوت شەشٸمٸمەن مەيٸت مەنسوننىڭ نەمەرەسٸمٸن دەگەن دجەيسون فريمەنگە بەرٸلدٸ.
سەرييالىق قىلمىسكەرمەن قوشتاسۋ رەسٸمٸ كاليفورنييا شتاتىنداعى پورتەرۆيل قالاسىنداعى جەرلەۋ زالىندا ٶتكەن. رەسٸمگە شامامەن 20-25 ادام, ونىڭ ٸشٸندە مەنسوننىڭ تۋىستارى مەن دوستارى قاتىسقان. قوشتاسۋ سەتٸ مەنسوندار ەۋلەتٸ تۋرالى دەرەكتٸ فيلم ٷشٸن ۆيدەوعا تٷسٸرٸلگەن. رەسٸمنەن كەيٸن مەنسوننىڭ دەنەسٸ كرەماتسييالانىپ, كٷلٸ بەلگٸسٸز جەردە شاشىلعان.
