قازاقستان رەسپۋبليكاسىنىڭ دەنساۋلىق ساقتاۋ مينيسترلٸگٸ ەلەۋمەتتٸك جەلٸلەردە اۋتيزم تۋرالى تاراپ جاتقان جالعان مەلٸمدەمەلەرگە قاتىستى قازاقستاندىقتارعا ٷندەۋ جاسادى, دەپ حابارلايدى ult.kz.
مينيسترلٸك سوڭعى ۋاقىتتا ينتەرنەتتە «اۋتيزمدٸ تولىق ەمدەۋ», «جالعان اۋتيزم» سەكٸلدٸ عىلىمي دەلەلٸ جوق تەورييالار جيٸ تارالىپ جاتقانىن اتاپ ٶتتٸ. ۆەدومستۆو ازاماتتاردى مۇنداي اقپاراتقا سىن كٶزبەن قاراپ, تەك دەلەلدٸ مەديتسيناعا سەنۋگە شاقىردى.
مينيسترلٸكتٸڭ مەلٸمەتٸنشە, اۋتيزم سپەكترٸنٸڭ بۇزىلىستارى — حالىقارالىق مەديتسينالىق قاۋىمداستىق مويىنداعان نەيرودامۋدىڭ ەرەكشەلٸگٸ. اۋتيزمنٸڭ پايدا بولۋى تەربيەگە, گادجەتتەرگە نەمەسە ۆاكتسيناتسيياعا بايلانىستى ەمەس ەكەنٸ ايتىلدى.
سونداي-اق بٷگٸنگٸ كٷنٸ اۋتيزمدٸ «تەز ەرٸ تولىق ەمدەيدٸ» دەگەن عىلىمي تۇرعىدا دەلەلدەنگەن ەدٸس جوق ەكەنٸ ەسكەرتٸلدٸ.
ۆەدومستۆو ٶكٸلدەرٸنٸڭ ايتۋىنشا, كٷمەندٸ دەرٸلەر مەن «عاجايىپ تەراپييالار» تۋرالى ۋەدەلەر اتا-انالاردى اداستىرىپ قانا قويماي, بالانىڭ ۋاقىتىلى كەسٸبي كٶمەك الۋىنا كەدەرگٸ كەلتٸرۋٸ مٷمكٸن.
– بالا ٷشٸن ەڭ ماڭىزدىسى – ەرتە انىقتاۋ, دەر كەزٸندە تٷزەتۋ كٶمەگٸن الۋ, مامانداردىڭ سٷيەمەلدەۋٸ جەنە وتباسىنىڭ قولداۋى, – دەپ مەلٸمدەدٸ مينيسترلٸك.
قازاقستان رەسپۋبليكاسىنىڭ دەنساۋلىق ساقتاۋ مينيسترلٸگٸ بالالار دەنساۋلىعى حايپ پەن جالعان سەنساتسييانىڭ قۇرالىنا اينالماۋى تيٸس ەكەنٸن اتاپ ٶتتٸ.
