Швеция СІМ басшысы Анн Линде елдің НАТО-ға кіруі туралы өтінішке қол қойды, - деп хабарлайды Tengrinews.kz агенттігі Sveriges Television сайтына сілтеме жасап.
Бұл туралы Анн Линде Twitter-дегі парақшасында хабарлады. Оның сөзінше, қазіргі уақытта НАТО-ға мүшелік ету - Швеция үшін ең ұтымды шешім.
"Бүгін таңертең Швеция СІМ басшысы Анн Линде елдің НАТО-ға қосылу туралы өтінішіне қол қойды", - делінген хабарламада.
Құжат Финляндияның мәлімдемесімен бірге осы аптаның соңында Брюссельдегі Солтүстік Атлантикалық альянстың штаб-пәтеріне ұсынылады.
Еске салайық, 15 мамырда Финляндия президенті Саули Ниинисте ел ресми түрде НАТО-ға қосылуға және мүшелікке өтініш беруге шешім қабылдағанын мәлімдеген. Премьер-министр Санна Марин бұл тарихи шешім екенін айтты. Одаққа кіру туралы шешім Финляндия Парламентінде 16 мамырда талқыланады. Кейінірек Швеция билігі де Солтүстік Атлантикалық одаққа кіруге өтініш беруді жоспарлап отырғанын хабарлады.
861 рет оқылды
