© AFP 2023 / ALEJANDRO PAGNI
Павлодарда көпқабатты үйдің ауласындағы қоқыс жәшігінен нәресте табылды, деп хабарлайды "Ұлт ақпарат".
Облыстық жедел медициналық жәрдем станциясы баспасөз қызметінің мәліметінше, 7 наурызда сағат 12:28-де Бұқар жырау көшесі, 353 мекенжайы бойынша қоқыс жәшігінен нәресте табылғаны туралы хабарлама түскен.
"Жедел жәрдем оқиға орнына 5 минутта жетті. Сол жерде дәрігерлер қыздың қайтыс болғанын анықтады", - делінген ақпаратта.
Бұл дерек бойынша сот-медициналық сараптама тағайындалған.
"7 наурыз сағат 12:47-де Павлодар қаласының полициясына Бұқар жырау көшесінде орналасқан үйдің ауласындағы қоқыс жәшігінен өлі туған бала табылғаны туралы хабар түскен.
Аталған дерек бойынша сот-медициналық сараптама тағайындалды. ҚР Қылмыстық кодексінің 100-бабы бойынша сотқа дейінгі тергеп-тексеру басталды. Осы фактіге қатысы адамды анықтау бойынша жедел-іздестіру іс-шаралары жүргізіліп жатыр", - делінген Ішкі істер министрілігі мәліметінде.
686 рет оқылды
