Оралда 28 жастағы келіншек жаңа туған сәбиін сатып жіберген, деп хабарлайды ҚазАқпарат.
БҚО полиция департаменті баспасөз қызметінен түскен мәліметке қарағанда, аталған келіншек Бөрлі ауданында тұратын ерлі-зайыпты тұрғындармен келісіп, сәбиін беріп жіберген.
Полиция қызметкерлерінің жұмысы нәтижесінде келіншек ұсталып, қазіргі кезде ҚР ҚК 135-бабы 1-бөлігіне (кәмелетке толмағандарды сату) сәйкес сотқа дейінгі тергеу амалдары жүргізілуде.
Облыста 19-24 қыркүйек аралығында жүргізіліп жатқан «Стоп-трафик» жедел іздестіру іс-шаралары барысында 4 қылмыстық құқықбұзушылық ашылып, 10 адам әкімшілік жауапқа тартылды.
973 рет оқылды
