Сурет: uzreport.news
Экология және табиғи ресурстар министрі Зүлфия Сүлейменова Астанадағы ит етін сату оқиғасына қатысты пікір білдірді, - деп хабарлайды Tengrinews.kz сайты.
"Ит етіне қатысты мәселені зерттеп жатырмыз. Біраз жайттар бар. Алдымен санитарлық-эпидемиологиялық бақылау тексеру керек. Сондай-ақ, Ішкі істер министрлігінен заң бұзушылық дерегіне қатысты шара күтіліп отыр. Кеше ғана біз бұл мәселені өз арамызда талқыладық. Алдағы уақытта осы мәселені онтайлы шешу үшін Ішкі істер министрлігіне және Денсаулық сақтау министрлігіне де хабарласамыз", - деді министр Үкімет отырысында журналистердің сұрақтарына жауап беріп.
Сүлейменова жақын арада министрлік жануарларды қорғау туралы заңды жүзеге асыру тұрғысынан жұмыс істейтін тетіктерді әзірлеу мақсатында жануарлар құқығын қорғаушылармен және басқа да азаматтық қоғамның өкілдерімен консультациялар бастайтынын айтты.
650 рет оқылды
