Павлодар облысының Сыбайлас жемқорлыққа қарсы күрес қызметі жемқорлық қылмысын жасауда күдікті деп танылған «Қазақстан темір жолы» ҰК» АҚ филиалы – «Павлодар электр жабдықтау дистанциясының» бұрынғы директоры Р.О.Ибраевқа қатысты сот алдындағы тергеу амалдары аяқталды, деп хабарлайды "Ұлт ақпарат" ҚР Сыбайлас жемқорлыққа қарсы іс-қимыл агенттігінің Павлодар облысы бойынша департаментінің баспасөз қызметіне сілтеме жасап.
«Ол 2020 жылдың маусым айынан бастап тамызға дейін өзіне қарасты ведомстволық бөлімшелердің бастықтарынан жалпы құны 1,2 млн теңгеге 6,5 мың литр дизельдік отын алған. Оны қолма-қол ақшаға айналдырып, ақшаны жеке мақсатына пайдаланған», - деп мәлімдеді департаменттің баспасөз қызметі.
28 желтоқсанда сот үкімі бойынша Р.О.Ибраев қызметтік өкілдігін теріс пайдаланғаны үшін айыпты деп танылып, оған 1 мың АЕК көлемінде айыппұл төлеу түріндегі жаза тағайындалды.
1139 рет оқылды
