Коронавирус індеті кезінде тұрмыстық зорлық-зомбылық 21 пайызға өсті. Бұл туралы ҚР ІІМ Әкімшілік полиция комитеті Ювеналды полиция және әйелдерді зорлық-зомбылықтан қорғау басқармасының басшысы Әсет Оспанов мәлім етті, деп хабарлайды "Ұлт ақпарат".
«Биыл барша әлемде COVID-19 індетінің таралуына байланысты тұрмыстық зорлық-зомбылық жағдайының ушыққаны байқалуда. Өкінішке қарай, бұл проблема біздің елді де айналып өтпеді. Отбасылық тұрмыстық зорлық-зомбылық 21 пайызға өсті», - деді Ә. Оспанов Орталық коммуникациялар қызметінде.
Осы орайда ол карантинді сақтау бойынша шаралар қабылдануы тұрғысында полиция күрделі жағдайда жұмыс істеп жатқанын атап өтті.
1120 рет оқылды
