Нұрсұлтан Назарбаев ядролық қауіпсіздік жөніндегі жаһандық саммит өткізуді қайта жандандыруды ұсынды, деп хабарлайды ҚазАқпарат.
«Ядролық қаруды таратпау туралы келісім конференциясы қарсаңында бұл құжаттың (Ядролық қарусыздандыру туралы келісім - ред.) негізгі қағидаларын әмбебаптандыру қажеттігін ойластырған жөн. Келісімнен шығу үшін халықаралық жауапкершілік шараларын күшейтіп, БҰҰ Қауіпсіздік Кеңесінің сәйкес қарарларымен нығайту қажет деп есептеймін. Ядролық қаруға тыйым салу келісімі, Ядролық сынаққа тұтас тыйым салу келісімінің тезірек күшіне енуіне ерекше көңіл бөлу керек», - деді Елбасы.
Осыған байланысты, Нұрсұлтан Назарбаев әр екі жыл сайын ядролық қауіпсіздік бойынша жаһандық саммит өткізу тәжірибесін жандандыруды ұсынды.
«Осы орайда әр екі жыл сайын ядролық қауіпсіздік бойынша жаһандық саммит өткізу тәжірибесін қайта жандандыруды ұсынамын. Қазақстан мұндай саммиттердің бірін өз астанасында қабылдауға дайын. Оған ядролық полигонын жауып, әлемдегі төртінші зымырандық-ядролық әлеуеттен бас тартқан мемлекет ретінде Қазақстанның әлем алдында моральдық қақы бар», - деді Тұңғыш Президент.
918 рет оқылды
