Қаңтардағы тәртіпсіздік кезінде қаза тапқандардың ресми санына құқық қорғау органдарының азаптауынан қайтыс болғандар кірмеген. Бұл туралы Бас прокурордың орынбасары Әсет Шындалиев мәлімдеді, - деп хабарлайды Tengrinews.kz.
"Біздегі бар ресми ақпарат бойынша 232 адам қаза болды. Біз қылмыстық қудалау органымыз ғой, жеке жұмыс істейміз. (...) Қаңтардағы оқиға кезінде қызметкерлердің заңсыз іс-әрекеттерінен, қылмыскерлердің іс-әрекеттерінен қаза тапқан адамдар бар. Мен қазір нақты санын айта алмаймын. (...) Азаптаудан қайтыс болғандардың жеке тізімі бар, дәл қазір нақты саны есімде жоқ", - деді Шындалиев.
"Азаптаудан 6 адам, барлығы 238 адам қайтыс болды деген ақпарат бар. Рас па?", - деп сұрады журналист.
"Иә. Қаңтар оқиғасы кезінде 232, азаптаудан 6 адам қаза болды", - деп мойындады Бас прокурордың орынбасары.
1303 рет оқылды
