Балалардың құқықтарын қорғау комитеті төрағасының орынбасары Юлия Овечкина елдегі жетім балалардың саны туралы мәлімет берді, деп хабарлайды ҚазАқпарат.
«Бүгінгі таңда республикада 23 мыңға жуық жетім және ата-анасының қамқорлығынсыз қалған балалар бар. Оның тек 4 мыңы ғана балалар үйінде тұрады. Ондай мекемелердің саны жылдан-жылға азайып келеді. Тек соңғы 10 жылда жетім балаларға арналған 114 ұйым қысқарды», - деді ол Орталық коммуникациялар қызметінде өткен брифингте.
Оның айтуынша, балалар үйінің қысқаруына қамқорлықсыз қалатын балалардың азаюы түрткі болған.
«Бүгінде елімізде жетім балалар мен ата-анасының қамқорлығынсыз қалған балаларға арналған 96 ұйым жұмыс істейді. Соңғы 10 жылда осы ұйымдардың тәрбиеленушілерінің және жалпы жетім балалардың контингенті ел бойынша 10 мыңға қысқарды. Ал соңғы 3 жылда контингент 2 мың бала тізімнен шығарылды», - деп қорытындылады Юлия Овечкина.
772 рет оқылды
