ҚР Денсаулық сақтау министрі Алексей Цой соңғы рет қашан қоғамдық көлікке мінгені туралы тілшілер сұрағына жауап берді, деп хабарлайды ҚазАқпарат.
«Өткен жылы балаларыммен бірге автобуста жүрген едім. Ал қазір ондай мүмкіндік жоқ, өйткені тәулік бойы жұмыста жүрміз. Бірақ біз қоғамдық көлікте жолаушылар тығыздығы бойынша проблема бар екенін көріп отырмыз, кей жерде рейстердің жиілігі сәйкес келмейді. Бұл жұмысты әрбір әкімдікпен бірге жүргізіп жатырмыз және жергілікті жерлердегі нақты жағдайды да білеміз», - деді министр Орталық коммуникациялар қызметінде өткен брифингте.
Министр Ashyq қосымшасына мейрамханалар неге бірінші кезекте қосылғанын түсіндірді.
«Мұнда біз бағдарламаның қызмет аясын кеңейтіп, қарастырып жатырмыз. Бірақ басты назар азаматтар маскасыз ұзақ уақыт отыратын ұйымдарға аударылады. Неліктен біз мейрамханаларды бірінші кезекте алдық? Себебі азаматтар үстел үстінде маскасын шешеді, ауру жұқтыру қаупі болады. (...) Автобустарда маска тағу режимі бар. Мұнда азаматтардың тұру ұзақтығы тамақтану орындарындай үлкен емес. Біз сондай-ақ басқа да нысандардың Ashyq-қа қосылу мүмкіндігін қарастырып жатырмыз», - деп түйіндеді Денсаулық сақтау министрі.
934 рет оқылды
