Сурет: polisia.kz
Алматыда синтетикалық есірткі өндірушілер сотталды, - деп хабарлайды Tengrinews.kz тілшісі Polisia.kz сайтына сілтеме жасап.
Қылмыскерлер синтетикалық есірткіні ораған сәтте полиция қызметкерлерінің назарына түспеу үшін пәтерлерді тәуліктеп жалға алған.
"Х.Исламов пен С.Епифанов есірткі өндіру кезінде ұсталды. Тәркіленген зат салмағы - 4 келі, бұл - өте үлкен көлем", - делінген хабарламада.
Сот кішкентай балалары барын, тергеу жұмыстарына белсенді араласқанын ескеріп, оларды 11 жылға бас бостандығынан айырды.
Екінші үкім М. Шевцовқа қатысты мефедрон өндірісін ұйымдастырғаны үшін шығарылды.
"Сот отырыстарында Шевцов жеке тұтыну үшін есірткі шығарғанын айтып, жазаны азайтуға тырысты. Алайда жалға алынған пәтерді тінту барысында бұл қылмысты есірткі өндірісі ретінде тануға мүмкіндік беретін барлық дәлел табылды", - деді құқық қорғау органдары.
Нәтижесінде Шевцов кінәлі деп танылып, оған 10 жылға бас бостандығынан айыру жазасы тағайындалды.
1251 рет оқылды
