Алматыда 2,3 млн теңге алимент төлемеген адамның пәтері тәркіленді, деп хабарлайды "Ұлт ақпарат".
Борышкердің Абай көшесіндегі пәтеріне тыйым салынған болатын. Ол баласына бірнеше жылдан бері 2,3 млн теңге көлемінде алимент төлемеген.
«Әңгіме барысында жылжымайтын мүлік иесіне қарызды жабу үшін пәтері сатылатыны айтылды», - деді қалалық Әділет департаментінен.
Сату-сатып алу келісімшарты бойынша пәтер 20 млн 484 мың теңгеге сатылды.
«Төлем тапсырысы бойынша арызданушыға 2 323 066 теңге берілді», - деді департаменттен. Қалған қаражат борышкерге қайтарылған.
987 рет оқылды
