Денсаулық сақтау министрі Алексей Цой баспасөз мәслихатына неліктен ұзақ уақыт бойы шықпағанын түсіндірді, деп хабарлайды "Ұлт ақпарат".
«Шешілуі тиіс өткір де өзекті проблемалар көп болды. Аймақтарға көп бардық. Коронавирус тараған орындарды тексердік. Ауруханаларға барып, әріптестермен кездестік. Әр аймақта қандай жұмыс жүргізілуі керектігін түсіндірдік», - деді Алексей Цой Орталық коммуникациялар қызметінде өткен баспасөз мәслихатында.
Министрдің айтуына қарағанда халықаралық ұйымдардың өкілдерімен де бірнеше кездесу өткен.
«Атқаруға міндетті шаруалар көп болды. Аймақтық форматта да кезек күттірмейтін шаруалар көп еді. Бүгін баспасөз мәслихатын өткізуді жоспарладық. Алдарыңызға шықтық. Сіздерді мазалаған мәселелер бойынша сұрақтарға жауап беруге дайынбыз», - деп түйді министр.
1214 рет оқылды
